Mama Bear’s Adventures

Consistent na ito, late post na naman.

We had our first family trip abroad a few weeks ago. We went to Singapore, c/o mommy’s and daddy’s unused miles. Hay nako, kung hindi nga lang mag e-expire na yung miles na yun, sobrang mura kung nag budget flight na lang kami. Yung sa Clark, I heard, for 6k inclusive of tax na yun, mayround trip ticket ka na. E yung tax pa lang na binayaran namin sa PAL e 4k+ na each.

Anyway, we had a great time there in SG. Bitin nga ang 1 week stay namin e. Kaso ubos na pera hehe. We were able to visit most of the tourist attractions. Galing kasi, halos lahat ata ng attractions nila ay may website, kaya naman na plan ng mabuti ang itenerary namin, na maximize namin talaga ang stay namin doon. Actually, kung hindi lang talaga kami inulan, mas marami pa kaming napuntahan. Kaso twice kami inulan ng malakas, both times, papunta kami sa botanical gardens. Sabi ni Glenn, it’s a sign daw. Sabi ko naman, oo nga it’s a sign… na babalik kami haha.

Ito one of the funny moments namin sa SG. This was taken from the Singapore Zoo’s wet and dry playgorund. Nakita ko yung ibang bata naka brief lang, kaya ganun na rin si Karl, bawas sa bigat yung shorts na mababasa hehe. Kaso as if hindi pa daring yung briefs, maya maya tinanggal ni Karl ang brief niya, at nilabhan haha. Kahiya talaga.

Kung si Ami ang tatanungin mo, walang kwenta ang zoo, kasi naman, puro cat at fish lang ang naroon. Nakakita ng polar bear "aat", camel "aat", elephant, zebra, at lahat na hindi lumalangoy ay "aat".

Pumunta rin kami sa bird park, kaso "aat" din ang naroon, kinain na yung birds haha.

Syempre hindi mawawala ang Sentosa island sa itenerary. As requested by the prince, sa cable car kami sumakay papunta sa Sentosa. Ako walang fear of heights, pero may fear of falling ako hehe. As long as alam kong secured ako, I can look down kahit gaano katagal. Ok kami habang umaandar yung cabin namin, kaso kapag malapit na sa towers,  humihinto siya, ayan na, ayaw ko na nung ganun, yung feeling na parang stuck na kami doon, ilang oras kaya kami doon etc. Syempre imagination ko lang yun. Si Karl, naman enjoy na enjoy. Ayaw pa nga bumaba e.

Talaga sinagad namin ang stay namin, ang uwi namin ay Monday morning, gumimmik pa kami hanggang Sunday night. Sunday morning, pumunta kami sa Wild Wild Wet, parang Splash Island dito sa Pinas. May wave pool din, saka yung parang river na dinadala ka ng agos habang nasa tube ka. Pero kung tama ang pagka alala ko sa Splash Island, wala silang wading pool doon, tuwang tuwa ang mga bata doon, parang playground na baha. Maraming slides, at sprinklers. Meron ding  Jacuzzi. Saka ang the best na nagawa ng Wild Wild Wet para sa amin, nagkaroon ng motivation si Karl na kumain ng marami, kasi gusto niya sumakay doon sa parang bike na nasa itaas ang rail, overlooking the whole thing. Kaso may height requirement. Kahit na alam namin na hindi pa abot sa requirement si Karl, pumila pa rin kami, I was not really hoping na maka sakay kami, but I was hoping that I could use the situation to my advantage, at yun na nga ang nangyari, since hindi siya pinasakay, meron na kaming mas magandang motivation para maka kain siya ng marami.

O siya, at nakiki pindot na itong isa dito.